Umsókn og afhending búnaðarskilríkja gengur þannig fyrir sig:
- Umsækjandi fyllir út umsóknarform á vefsíðu Auðkennis.
- Í umsóknarferlinu verða til einka- og óundirritaður dreifilykill á tölvu umsækjanda.
- Í lokaskrefi umsóknarforms verður til áskriftarsamningur á PDF formi nema að samningurinn hafi áður verið gerður milli sömu aðila.
- Forráðamaður (framkvæmdastjóri/prókúruhafi) undirritar samninginn og sendir til Auðkennis
- Ef forráðamaður hefur fullgild rafræn skilríki gefin út af Auðkenni getur hann undirritað PDF skjalið rafrænt og sent í tölvupósti.
- Ef forráðamaður hefur ekki tök á að undirrita skjalið rafrænt flýtir fyrir að skanna PDF skjalið eftir undirritun og senda í tölvupósti, frumrit þarf svo að senda til Auðkennis í bréfapósti.
- Umsóknin er skráð og tölvupóstar sendir á forráðamann og tæknilegan tengilið.
- Báðir þessir aðilar verða að opna póstinn og smella á hlekk í póstinum til að samþykkja upplýsingar svo að hægt sé að samþykkja umsóknina.
- Starfsmaður Auðkennis flettir fyrirtæki upp í hlutafélagaskrá til að kanna hvort forráðamaður sé framkvæmdastjóri eða hafi prókúruréttindi á fyrirtækið.
- Starfsmaður Auðkennis hringir í opinbert símanúmer fyrirtækis og biður um samband við forráðamann sem gefinn var upp í umsókninni.
- Ef öll þessi skilyrði eru uppfyllt er umsóknin samþykkt.
- Tæknilegur tengiliður fær tölvupóst með vefslóð þar sem hann getur náð í dreifilykil skilríkisins undirritaðan af milliskilríkinu "Traustur búnaður".
- Tæknimaður setur dreifilykilinn upp á sömu tölvu og hann notaði í umsóknarferlinu (einkalykillinn er á henni) og skilríkið er tilbúið til notkunar.
- Auðkenni gefur út reikning í kröfupott á kennitölu fyrirtækis.